現代人機不離手,情侶之間相信已經無晒「煲電話粥」呢回事,有咩事,WhatsApp講!外國有一兩性關係研究機構就公佈一項調查,訪問咗接近300位22歲嘅年輕人,當中超過82%都表示每日與伴侶會多次傳訊息聯繫,不過機構發現,傳訊息多,不代表有助親密關係,因為有唔少訊息什至會不知不覺破壞二人關係,以下係機構歸納出傳短訊5大禁語!(當然,首先你要有女/男朋友⋯)

「我好悶。」

傳畀伴侶嘅短訊一定要有趣俏皮,時刻表現出自己有多愛多關心對方,絕不要傳「我好悶」、「好無聊」等等,盡顯自己無情趣同唔浪漫。

24小時狂Text

研究顯示,如果女方長時間傳短訊,代表佢對呢段關係開心;不過男方正好相反,男方長時間用知訊,代表佢係唔開心,寧願Text都唔想講嘢。

「We need to talk.」

香港當然可以變成中文,例如「我哋不如傾下」、「我想同你傾下」等等,無端端係電話睇到呢句,相信會造成好大心理壓力!

用短訊嘈交

任何爭拗,請直接對話,以訊息互傳來嘈,一方面無法透過對方表情語氣去判斷形勢,二方面重白紙黑字留低所有嘈交時講嘅傷害說話,搵自己笨!

「做咩唔覆我?」

老生常談,對方無覆,唔好死纏難打咁追問,更加唔好追魂Call,會顯示出你係控制狂。

 

 

更多  迷你倉

 

 

創作者介紹

timemini

timemini12 發表在 痞客邦 PIXNET 留言(0) 人氣()