香港地小人多，生活空間狹窄，返工放工基本上都係人逼人，要找到一個獨處嘅空間/時間都唔容易；不過大家又有無留意到好多身邊嘅人，其實心入面都係非常孤單寂寞，呢種人縱使係人同人相處之中，睇落好似平常人一樣有講有笑，有反應有回應，其實係佢哋心深處，寂寞到你怕。一個人，如果你憑佢外表睇得出佢好寂寞，咁不過係短暫的寂寞，好快會過來；反而一個睇唔出佢寂寞嘅人，內心嘅孤獨卻係長久而且早已結根心底，當中嘅淒涼和鬱悶，萬年孤寂亦只有當時人先知。不過，表面雖然睇唔到，其實細心留意，仍然有跡可尋：
狂歡後馬上回復冷靜
寂寞嘅人可以從前一刻同大家一齊開懷大笑，笑到氣咳嗰種，一秒之間回復冷靜，目無表情；可以從前一秒親切待人，一轉頭即變回冷酷。
害怕被入侵個人空間
寂寞嘅人長期都活係不安、鬱悶之中，佢哋嘅世界好封閉保守，唔好問佢哋感覺，更加唔好妄想開解佢哋，因為咁等如侵犯佢哋個人空間，會更不安。
唔敢直視小朋友
寂寞嘅人面對同事、朋友都可以扮作融入，跟住大隊，但佢哋唔敢直接接觸小朋友，更唔敢直視小朋友雙眼，因為小朋友係最真最純潔嘅人，寂寞嘅人根本接受唔到。
永遠得不夠休息
寂寞嘅人有機會經常諗好多嘢，亦可能全日唔諗任何嘢，不過兩者都會影響佢哋睡眠，易醒、瞓唔長、壓力等，都會導致佢哋經常精神不振。
愛沖涼而且時間長
根據2013年美國一項調查，寂寞嘅人好喜歡沖一個長長嘅熱水浴或者浸熱水浴，研究指因為兩者都可以令佢哋得求身理上嘅溫暖，可以令佢哋得到快速舒解。
易病
美國UCLA研究，寂寞嘅人由於情緒長期不能開展，會引致健康問題，尤其係身體免疫系統會下降，所以林黛玉多病真係有醫學根據。
全站熱搜
留言列表
